June 10, 2013

Trojan Zeus ဗိုင်းရပ်စ် Facebook တွင် ပြန်လည်ရောက်ရှိ


၂၀၀၇ ခုနှစ်က ပထမဦးဆုံး ရှာဖွေတွေ့ရှိခဲ့သည့် Zeus Virus မှာ နာမည်ကြီးလူမှုရေးကွန်ရက် facebook တွင် ပြန်လည်ပေါ်ပေါက်လာခဲ့ကြောင်းသိ့ရသည်။ အဆိုပါ virus သည် အန္တရာယ်အရှိဆုံး Trojan များအနက် တစ်ခုဖြစ်ပြီး ၄င်းသည် Facebook ကိုအသုံးပြုကာ ကွန်ပျူတာများထံကူးစက်ပျံ့နှံ့နေကြောင်း Techspot.com မှ ဖေါ်ပြခဲ့သည်။
အဆိုပါ Trojan Zeus Virus သည် "Bring th NFL to Los Angeles" ကဲ့သို့သော Facebook စာမျက်နှာများပေါ်ရှိ Link အတုများတွင် ပါဝင်ကြောင်း ၄င်း Link ကို နှိပ်မိလိုက်သည့်အခါ Facebook စာမျက်နှာမှ download စာမျက်နှာတစ်ခုထံရောက်ရှိသွားပြီး software တစ်ခုကို download ပြုလုပ်ခိုင်းမည်ဖြစ်ကြောင်း၊ အဆိုပါ software ကို download ပြုလုပ်မိသည့်အခါ virus ကို download ပြုလုပ်ပြီး bank account များ၊ password များနှင့် account နံပါတ်များ၊ social security နံပါတ်များနှင့် အခြားအရေးကြီး အချက်အလက်များ ခိုးယူခံရမည်ဖြစ်ကြောင်း သိ့ရသည်။
ထို့အပြင် facebook ပေါ်ရှိ သူငယ်ချင်းများနှင့် မိသားစုဝင်များမှ တင်ထားသည့် Link များကိုလည်း အထူးဂရုပြုရမည်ဖြစ်ကြောင်း၊ link တစ်ခုခုမှ ပြင်ပ site တစ်ခုရှိ အရာများကို download ပြုလုပ်ခိုင်းပါက source ကို အသေအချာ စစ်ဆေးသင့်ကြောင်း၊ သံသယရှိပါက download မပြုလုပ်သင့်ကြောင်း အကြံပြုထားသည်။
Eurograbber ဟု လူသိ့များသော virus သည် zeus နှင့် အလားသဏ္ဍန်တူပြီး ၄င်း virus သည် ဥရောပတိုက်သား သုံးစွဲသူများထံမှ အမေရိကန်ဒေါ်လာ 46.5 သန်း ခိုးယူခဲ့ကြောင်း သိ့ရသည်။

Credit : နောင်နောင် (Internet Journal)
Ref : KTVQ Billings News




အားလုံးပဲအဆင်ပြေကြပါစေ .... လေးစားစွာဖြင့် ... စဦးသူ

April 4, 2013

Network တစ်ခု စတင် ချိတ်ဆက်တော့မယ်ဆိုရင်







Myanmar ICT Journal, Volume 2 ISSUE 12
ရေးသားသူ - စဦးသူ

ဒီနေ့နည်းပညာခေတ်ကြီးထဲမှာ Company လုပ်ငန်းရှင်တွေအနေနဲ့ မိမိတို့ရဲ့ လုပ်ငန်းလည် ပတ်မှုနှုန်းကို မြှင့်တင်ဖို့အတွက် (သို့မဟုတ်) လုပ်ငန်းရဲ့ လိုအပ်ချက်အရ စသည်ဖြင့် အကြောင်းပြချက်အမျိုးမျိုးနဲ့ ရုံးတွင်းမှာ Local Area Network (LAN) ချိတ်ဆက်အသုံးပြုလာကြပါတယ်။ Cable (သို့မဟုတ်) Wireless နဲ့စသည်ဖြင့် ချိတ်ဆက်အသုံးပြုလာကြတာကို တွေ့ရပါတယ်။ စာရေးသူ ပြောချင်တာကတော့ Company တစ်ခု (သို့) လုပ်ငန်းတစ်ခုမှာ Network Installation စတင်လုပ်ဆောင်တော့မယ်ဆိုရင် Company ဘက်ကရော ၊ လာရောက် Install လုပ်ပေးမယ့် Service Provider ဘက်ကရောသိထားသင့်တဲ့ အချက်ကလေးတွေ ရှိတယ်ဆိုတာကိုပြောချင်တာပါ။ စာရေးသူကိုယ်တိုင်က Network Installation ပိုင်းနဲ့ပတ်သက်ပြီး service ပေးနေတဲ့သူ တစ်ယောက် ဖြစ်တဲ့ အတွက် ဒီနေ့ မြင်တွေ့နေရတဲ့ ပြဿနာတချို့လေးတွေကို တင်ပြရင်းနဲ့ပဲ ဒီအကြောင်းအရာလေးကို Myanmar ICT Journal ပရိတ်သတ်ကြီးအတွက် ရေးသားတင်ပြပေး လိုက်ပါတယ်။

ကျွန်တော့်တို့ နည်းပညာလောကမှာ Network Installation လုပ်ငန်းစဉ်နဲ့ ပတ်သက်လို့ အရိုးရှင်းဆုံး ပြောရမယ်ဆိုရင် အဓိကအားဖြင့် အခြေခံ အပိုင်း (၃) ပိုင်း ရှိပါတယ်။ အဲဒါတွေကတော့ …..

(၁) Planning
(၂) Implementing
(၃) Maintaining ဆိုပြီး ဖြစ်ပါတယ်။ ကောင်းပါပြီ။ ကျွန်တော်တို့ စတင်လေ့လာကြည့်ကြရအောင်ပါ။

Planning

Planning ဆိုတဲ့ လုပ်ငန်းစဉ်မှာတော့ Network တစ်ခု စတင်မချိတ်ဆက်ခင် မိမိတို့ တပ်ဆင်ချိတ်ဆက်မယ့် လုပ်ငန်းခွင်နဲ့ အံဝင်ခွင်ကျဖြစ်အောင် စီစဉ်ရေးဆွဲရပါတယ်။ ဘယ်လို ပစ္စည်းမျိုးတွေကို အသုံးပြုသင့်တယ်။ ဘယ်လို နည်းပညာကို သုံးပြီး တပ်ဆင်သင့်ပါတယ် စသည်ဖြင့် ဒါတွေကို နှစ်ဦး နှစ်ဖက်ညှိ့နှိုင်းရတဲ့ အပိုင်းပဲ ဖြစ်ပါတယ်။ နိုင်ငံတကာမှာတော့ ဒီအပိုင်းကို လုပ်ဆောင်တဲ့သူဟာ Technician လောကရဲ့ အခေါ်အဝေါ်အရ Network Architect (သို့မဟုတ်) Network Design လို့ ခေါ်ပါတယ်။ ကျွန်တော်တို့ နိုင်ငံမှာတော့ ဒါမျိုးတွေ မရှိပါဘူး။ ကုမဏီတွေဘက်ကလဲ နားမလည်တော့ ဟိုဖုန်းဆက် ၊ ဒီဖုန်းဆက်နဲ့ နောက်ဆုံးတော့ ဈေးသက်သာတဲ့ Service Provider နဲ့ နှပါးသွားလိုက်ကြပါတယ်။ နောက်ဆုံးတော့ ဘယ်ကပဲ နှစ်နာလဲ။ Network Install လုပ်ခြင်းခံလိုက်ရတဲ့ စက်ရုံ ၊ အလုပ်ရုံ ၊ ကုမဏီတွေဘက်ကပဲ နှစ်နာရပါတယ်။ တကယ်တော့ ဒါဟာ လုံးဝ မဖြစ်သင့်တဲ့ အရာတစ်ခုပါ။ Network တော့ ချိတ်လိုက်တာပဲ။ ဒါပေမယ့် စတင် Install လုပ်စဉ်ကတည်းက Planning မရှိပဲ၊ ထိထိမိမိ မဖြစ်တဲ့အတွက် ချိတ်ဆက်ခြင်း ခံရတဲ့ လုပ်ငန်းရှင်တွေအနေနဲ့လည်း အလုပ်မတွင်ကျယ်ခြင်း၊ လုပ်ငန်းရပ်ဆိုင်းသွားခြင်း စသည်ဖြင့် ပြဿနာတွေ အမျိုးမျိုး ရင်ဆိုင်ရတယ်။ နောက်ဆုံး ဘယ်လောက်ထိ ဖြစ်လာလဲဆိုတော့ Network ချိတ်ဆက်အသုံးပြုတာ ဘာမှလဲ မထူးပါဘူး ဆိုတဲ့ စကားလုံးတွေ ထွက်လာပါတယ်။ နောက်ဆက်တွဲအနေနဲ့ကတော့ Network သမားတွေလဲ သိက္ခာကျပါတယ်။
တကယ်တော့ ဒီ Planning အပိုင်းဟာ အရမ်း အရေးကြီးပါတယ်။ Service Provider အနေနဲ့လည်း မိမိတို့ရဲ့ Client Company ကို သေချာစွာ ရှင်းပြပေးနိုင်ရပါမယ်။ Network တစ်ခု စတင်ချိတ်ဆက်တဲ့အခါ Cable ကြိုးတပ်ဆင်တာကအစ နံရံထဲကို ၀ှက်ပြီး ကြိုးသွယ်တန်းမှာလား ၊ အပေါ်ယံ ထွမ်းကင်း နဲ့ သွယ်တန်းမှာလား။ EMI (Electromagnetic Interference ), RFI (Radio Frequency Interference) စသည့်အခြေခံအချက်တွေ၊ Network Cable တွေကို လျှပ်စစ်ကြိုးတွေနဲ့အတူ မသွယ်တန်းသင့်တဲ့ အချက်တွေ။ နံရံထဲက ၀ှက်ပြီးကြိုးသွယ်တန်းမယ်ဆိုလဲ Plenum grade ပါတဲ့ Network Cable ကြိုးမျိုးတွေကို အသုံးပြုသင့်တဲ့ အချက်တွေ စသည်ဖြင့် အခြေခံ အချက်တွေကအစ သေချာအောင် planning လုပ်ဖို့ လိုအပ်ပါတယ်။ တကယ်တော့ Network တစ်ခုမှာ Cable Installation လုပ်ငန်းစဉ်ဆိုတာ အရမ်းအရေးကြီးပါတယ်။ Network Cable ဆိုတာ Electronic Cable လို ဖြတ်ဆက်ပြီး သုံးရတာ မဟုတ်ပါဘူး။ အဆောက်အဦး တစ်ခုအတွင်းမှာ အားလုံး Setup လုပ်ပြီးသွားခါမှ Network Cable တွေ အစအဆုံး ပြန် Install လုပ်ဖို့ဆိုတာ ဘယ်လိုမှ မဖြစ်နိုင်တော့တဲ့ အရာတစ်ခုပါ။ နောက်တစ်ခုကတော့ Network ထဲမှာ အသုံးပြုမယ့် Device တွေကို သေချာစွာ Planning လုပ်ဖို့ လိုပါတယ်။ Hosts အရေအတွက် ၁၅ လုံးလောက်နဲ့ File Sharing လောက်ပဲ အသုံးပြုမယ့် လုပ်ငန်းအသေးစားတစ်ခုကို Management Switch တွေ Management Router တွေ သွားပြီးတပ်ဆင်ပေးဖို့ မလိုအပ်ပါဘူး။ Company အနေနဲ့ ဘယ်လို လုပ်ငန်းမျိုးတွေ လုပ်မယ့် Company မျိုးလဲ။ ဘယ်လို service တွေကို အဓိက သုံးမှာလဲ။ စသည်ဖြင့် Company ရဲ့ Requirement အပေါ်မူတည်ပြီး Planning လုပ်ငန်းစဉ်ကို သေချာစွာ အစီတကျ ဖြစ်ဖို့ လိုအပ်တယ်ဆိုတာကို ကျွန်တော့်အနေနဲ့ အကြံပြုချင်ပါတယ်။ နောက်တစ်ချက်ကတော့ Network တစ်ခုမှာ Backup System က အရမ်း အရေးကြီးပါတယ်။ Server တစ်လုံး Down တာနဲ့ လုပ်ငန်းတစ်ခုလုံး ရပ်သွားတာမျိုးတွေ အပြင်မှာ တကယ်လက်တွေ့ မြင်တွေ့နေရပါတယ်။ Network တစ်ခုမှာ Backup System ရှိကို  ရှိနေရပါမယ်။ အဲဒီအတွက် လုပ်ငန်းရဲ့ အနေအထားအပေါ်ကြည့်ပြီး ဘယ်လို system မျိုးကို အသုံးပြုရမလဲ စသည်ဖြင့် သေချာအောင် Planning လုပ်ထားဖို့ လိုအပ်ပါတယ်။ တကယ်တော့ ဒီအကြောင်းအရာတွေကို အသေးစိတ်ချရေးမယ်ဆိုရင် စာအုပ်တစ်အုပ်တောင် ထုတ်ဝေလို့ ရနိုင်ပါတယ်။ ဒီနေရာမှာ ကျွန်တော့်အနေနဲ့  ဒီနေ့ခေတ် လူငယ်တွေ မြင်သာအောင် အပေါ်ယံ သဘောတရားလေးတွေကိုသာ ရေးလိုက်ခြင်း ဖြစ်ပါတယ်။ ဒီနေ့ခေတ် လူငယ်တွေအနေနဲ့လည်း ရှေ့ကလူတွေက ဖြစ်သလို လုပ်သွားကြတာတွေကို လိုက်ပြီး အတုမယူကြဖို့၊ တိုးတက်နေတဲ့ နည်းပညာခေတ်ကြီးထဲမှာ မိမိကိုယ်တိုင် အင်တာနက်မှာ Study လုပ်ကြဖို့၊ တကယ်နားလည် တက်ကျွမ်းတဲ့ ဆရာတွေဆီမှာ သေချာ စနစ်တကျ သင်ယူလေ့လာဖို့ အကြံပေးချင်ပါတယ်။

Implementing

ဒုတိယလုပ်ငန်းစဉ် တစ်ခုအနေနဲ့ကတော့ Implementing အပိုင်းပဲ ဖြစ်ပါတယ်။ ဒီအပိုင်းကတော့ ကျွန်တော်တို့ လူငယ်တွေ အတော်ကို ကျွမ်းကျင်ကြတဲ့ အပိုင်းလို့ ပြောရင် မမှားပါဘူး။ Implementing ဆိုတာ အကောင်အထည်ဖေါ်ခြင်း၊ ပြီးစီးအောင် ဆောင်ရွက်ခြင်းကို ဆိုလိုပါတယ်။ တနည်းအားဖြင့် Network တစ်ခုရဲ့ Installation and Configuration လုပ်ငန်းစဉ်ကို ပြောခြင်းဖြစ်ပါတယ်။ အရမ်း ကျွမ်းကျင်ကြပါတယ်။ ဘယ်လို Server မျိုးကို Configuration လုပ်ပြရမလဲ။ Microsoft မှာဆိုရင် Active Directory (AD)၊ Exchange Server, ISA Serverလား ဒါမှမဟုတ်အခု Microsoft company ရဲ့နောက်ဆုံးထုတ် TMG Serverကိုသုံးချင်လား၊ Windows Server 2012 နဲ့ Setup လုပ်ခြင်သလား စသည်ဖြင့် ဘယ်လို server မျိုးကို Configuration လုပ်ပေးရမလဲ။ ကျွန်တော် အကုန်လုပ်တက်တယ်ဆိုတာမျိုးကြီးပါပဲ။ နောက်တစ်ခု Open Source မှာဆိုလည်း Squid Proxy, Ipcop, Zentyal, Pfsense, Smoothwall, Vyatta စသည်ဖြင့် ဘယ်ဟာကြိုက်လဲ၊ ဘယ် server ကို သုံးချင်လဲ။ နည်းပညာကို ကျွမ်းကျင်တာကတော့ ကောင်းပါတယ်။ ဒါပေမယ့် ဒီ server တွေကို Install လုပ်တက်ရုံ ၊ Configuration လုပ်တက်ရုံနဲ့ မပြီးသေးပါဘူး။ ဒီလို server မျိုးတွေကို ဘယ်လို လုပ်ငန်းမျိုးတွေမှာ အဓိက အသုံးပြုရမလဲ၊ သူ့အတွက် Hardware Specification ဘယ်လောက်လိုအပ်မလဲ ဆိုတဲ့ အချက်တွေကို သေချာ နားလည်အောင်သိ့ထားဖို့လဲ လိုအပ်ပါတယ်။ ကိုယ်လုပ်တက်တိုင်း တွေ့သမျှ Network တွေကို အသုံးပြုလို့ မရဘူးဆိုတာကို သေချာ တက်သိ့နားလည်ထားဖို့ လိုပါတယ်။ နောက်တစ်ခုကတော့ Network တစ်ခုတပ်ဆင်ပြီးသွားပြီဆိုတာနဲ့ လုပ်ငန်းရဲ့ လိုအပ်ချက်ပေါ်မူတည်ပြီး Motorning system ကို အသုံးပြုပါ။ morotring လုပ်တယ်ဆိုတာ Network ကို အသုံးပြုရခြင်းရဲ့ ကောင်းကျိုးတစ်ခုလို့ ပြောရင် မမှားပါဘူး။ 

Maintaining

နောက်ဆုံး တစ်ခုကတော့ Maintaining အပိုင်းပါ။ ဒီအပိုင်းမှာတော့ Network Installation လုပ်တဲ့ Provider နဲ့ Install လုပ်ခြင်း ခံခဲ့ရတဲ့ Company လုပ်ငန်းရှင် နှစ်ဦး နှစ်ဖက်စလုံးအပေါ်မှာ မူတည်တယ်လို့ ကျွန်တော်တော့ ထင်ပါတယ်။ Network တစ်ခု Install လုပ်ပြီးသွားရင် ကိုယ့်တာဝန် ပြီးသွားပါပြီလို့ မထင်လိုက်ပါနဲ့။ တချို့ကျတော့လဲ မသိ့ချင်ယောင် ဆောင်နေကြတယ်။ ကိုယ်နဲ့လွတ်ရင်ပြီးရောပေါ့။ ကိုယ်လုပ်တဲ့ လုပ်ငန်းတစ်ခုကို တာဝန်ယူရဲရပါမယ်။ လုပ်ငန်းရှင်တွေအနေနဲ့လည်း ကိုယ့် company ရဲ့ Network ပိုင်းတာကို တာဝန်ယူထားတဲ့ Provider ကို Install လုပ်ပြီးသွားရင် ရပြီဆိုပြီး လက်လွတ်စဖွယ် အဆုံးမသက်လိုက်ပါနဲ့။ မိမိ လုပ်ငန်းလည်ပတ်မှုနှုန်းအတွက် ရေရှည်ကို ကြည့်ပါ။ Network ရဲ့ resources တွေကို ကောင်းကောင်း အသုံးပြုနိုင်ဖို့အတွက် Network တစ်ခု ချိတ်ဆက်ပြီးရုံနဲ့ မပြီးသေးပါဘူး။ Network တစ်ခု ချိတ်ဆက်ပြီးသွားရင် လုပ်ဆောင်ရမယ့် လုပ်ငန်းစဉ်တွေ ကျန်ရှိနေပါသေးတယ်။ အဲဒါတွေကို Maintaining လုပ်ငန်းစဉ်တွေလို့ ခေါ်ဆိုပါတယ်။ အရိုးရှင်းဆုံးပြောရမယ်ဆိုရင် Network ရဲ့ Performance ကို Test လုပ်ဖို့၊ Server ရဲ့ system event logs တွေကို ပြန်လည်စစ်ဆေးဖို့၊ Network ထဲမှာ မလိုအပ်တဲ့ traffic တွေ သွားနေသလား၊ ဘယ်လို Attach မျိုးတွေ ရှိနေလဲ၊ Network ထဲမှာဝင်ရောက်လာနိုင်တဲ့ Virus, worm, Trojan, malware, spyware စသည်ဖြင့် နောက်ဆက်တွဲ ပြဿနာတွေကို Maintaining, Cleaning, Troubleshooting, Updating စသည်ဖြင့်အစဉ်သဖြင့် လုပ်ပေးနေဖို့ ကျန်ရှိနေပါသေးတယ်။ Network သမားတွေအနေနဲ့လည်း မိမိတို့ရဲ့ Client Company ကို Install လုပ်ပြီးရင် ပြီးရောဆိုပြီး လက်လွတ်သဖွယ်မထားခဲ့ပါနဲ့။ လုပ်ငန်းရှင်တွေအနေနဲ့လည်း မိမိတို့ရဲ့ လုပ်ငန်းလည်ပတ်မှုနှုန်း ကောင်းမွန်ဖို့အတွက် Network Installation လုပ်ငန်းစဉ်တစ်ခုဟာ အရမ်းကို အဓိကကျပြီး အရေးကြီးတယ်ဆိုတာကို စာရေးသူ အနေနဲ့ ထပ်ပြောလိုပါတယ်။
ဒါကြောင့် လုပ်ငန်းရှင်တွေအနေနဲ့ မိမိတို့ရဲ့ လုပ်ငန်းတစ်ခုမှာ IT ဂဏ္ဍနဲ့ ပတ်သက်လို့ အမြဲဂရုတစိုက်ရှိပါ။ ယနေ့ခေတ်က အရင်တခေတ်တခါတုန်းကလို လက်မထိပ်ကို အပ်စိုက် တူနဲ့ထုပြီး လက်မတွန့်သူကို သူရဲကောင်းရွှေးတဲ့ခေတ် မဟုတ်ပါဘူး။ ခါးပတ်နက်ရမှ ၊ အားကောင်းမောင်းသန် ဖြစ်မှ၊ ခန္တာကိုယ်အလေးချိန် ဘယ်လောက်ရှိမှ ဆိုတာမျိုးတွေ ခေတ်မရှိတော့ပါဘူး။ လက်ရုံးချင်းယှဉ်တဲ့ခေတ် မဟုတ်တော့ပါဘူး။ အွန်လိုင်းကနေ Cyber Attach လုပ်ပြီး တိုက်ခိုက်တဲ့ ခေတ်ဖြစ်နေပါပြီ။ ကမ္ဘာပေါ်မှာ Cyber Wars တွေ Cyber Crimes တွေများစွာဖြစ်ပေါ်နေတာကိုလည်း စာဖတ်သူတို့ ကြားဖူးမယ်ထင်ပါတယ်။ ဒီနေ့ မြန်မာပြည်မှာလဲ ရှိလာပါပြီ။ Trojan တစ်ကောင် ဒါမှမဟုတ် spyware တစ်ကောင်လောက်နဲ့ ခင်ဗျား ကုမ္မဏီတစ်ခုလုံးကို ကြိုးကိုင်ပစ်လိုက်နိုင်တဲ့ အချိန်အခါမျိုးတွေ ရောက်ရှိနေပါပြီ။ သိပ်မကြာတော့တဲ့ အချိန်တစ်ခုအတွင်းမှာ ကျွန်တော်တို့ နိုင်ငံဟာလဲ အများကြီး ပြောင်းလဲမှုတွေ ရှိလာနိုင်တဲ့အတွက် Network သမားတွေအနဲ့လည်း အရင်တုန်းကလို မဟုတ်ပဲ ဘယ်လို နေရာမျိုးမှာ မဆို Standard ရှိရှိ လုပ်ကြဖို့၊ Security နဲ့ ပါတ်သက်လို့ အထူးဂရုစိုက်ကြဖို့ လိုအပ်ပါတယ်။ Network သမားတစ်ယောက်ပီပီ Standard ရှိရှိ လုပ်ဖို့ဆိုတာက တစ်ခြားမဟုတ်ပါဘူး၊ အလွယ်ကူဆုံးနဲ့ အမြင်သာဆုံးတစ်ခုပြောရရင် ကုမ္မဏီ တစ်ခုမှာ Network တစ်ခု Install လုပ်ပေးလိုက်တယ်။ အကြောင်းတစ်ခုခုကြောင့် ကိုယ်မလာနိုင်တော့အချိန်မှာ တခြား Network သမားတစ်ယောက် ရောက်လာခဲ့ရင်လဲ ရှိနေပြီးသား Network ကို update တန်းလုပ်နိုင်တဲ့ အခြေနေ တစ်ခုမှာ ဖြစ်နေရပါမယ်။

ဒီနေ့ခေတ် အလုပ်ရုံ၊ စက်ရုံ၊ Company တွေအနေနဲ့ရော Network သမားတွေအနေနဲ့ရော Network တစ်ခုကို စတင် Install မလုပ်ခင်မှာကတည်းက ဘယ်လိုတွေ ပြင်ဆင်ထားသင့်တယ်၊ Network Engineer တစ်ယောက်အနေနဲ့လည်း မိမိတို့ Client Company ကို Network တစ်ခု setup မလုပ်ခင်ကြိုတင်ပြင်မှုတွေ ပြုလုပ်နိုင်ဖို့အတွက် ကျွန်တော့်အနေနဲ့ တစိတ်တပိုင်း ရေးသားတင်ပြရင်း ဒီနေရာမှာပဲ နိဂုန်းချုပ်လိုက်ပါတော့မယ်။ ကြိုးစားပါဦးမည် …....


အားလုံးပဲ အဆင်ပြေကြပါစေ .....  လေးစားစွာဖြင့် ….. စဦးသူ


March 11, 2013

Faebook က အသုံးမပြုတဲ့အကောင့်တွေ Delete လုပ်ပစ်မယ်တဲ့ .... ???




"FB က Communication Rule အသစ်တစ်ခုချမှတ်လိုက်ပါပြီ
ဖွင့်ပြီးမသုံးတဲ့ အကောင့်တွေဆို ဖျက်ပစ်မယ်
အဲ့အတွက် လက်ရှိသုံးကြောင်း .....
Activate user 25 ယောက်ကို ပို့ပေးရမယ်
မဟုတ်ရင် မသုံးဘူးလို့ယူဆပြီးတော့ ဖျက်တဲ့အထဲမှာ ပါသွားနိုင်ပါတယ်

Account တစ်သန်းကျော်ကိုဖျက်မှာတဲ့
ဒီစာကို FB chatbox ကနေလိုက်ပို့ရမှာ မြန်မြန်လုပ်နော်
ဒီနေ့ညဘက်က Last Date Chat conversation End...22
Today မြန်မြန်ကူးပြီး ကိုယ်ချက်တဲ့ FB ထဲက သူငယ်ချင်းတွေကို ကူးပြီးဖြန့်တော့
ဒီနေ့ညပိတ်မှာ မြန်မြန်လုပ်
Chat Conversation End   တကယ်နော်နောက်နေတာဟုတ်ဘူး"

facebook မှာ အထက်ပါ message မျိုးတွေ ကျွန်တော့်ကို ပို့ကြတာ အယောက် 30 ကျော်လောက် ရှိမယ်ထင်တယ်။ ယုံကြည်တာ မယုံကြည်တာ ၊ Users 25 ယောက်ကို လက်ညှောင်းခံပြီး Share ဖို့ မ Share ဖို့ကို ကျွန်တော် မပြောလိုပါဘူး။ ဘာဖြစ်လို့လဲ ဆိုတော့ လူတစ်ယောက်ရဲ့ စိတ်ခံစားမှုကို ဘာနဲ့မှ ချုပ်ကိုင်လို့ မရဘူးဆိုတာကို ကျွန်တော် ယုံကြည်ထားလို့ပါပဲ။

ကျွန်တော် ပြောချင်တာတစ်ခုကတော့ Facebook လို ကမ္ဘာကျော် ကုမ္မဏီတစ်ခုက ဒီလို ခိုးကြောင် ခိုးဝှက်ကြေငြှာပြီးတော့ အသုံးပြုသူ (users) တွေရဲ့ အကောင့်တွေကို Delete လုပ်ပစ်မယ်ဆိုတာ မဖြစ်နိုင်ပါဘူး။ Communication Rule အသစ်တဲ့ !!! တကယ်သာ ဖြစ်ခဲ့မယ်ဆို ဒီ ကုမ္မဏီက တရားဝင် (official) ကြိုတင် ကြေငြာပေးပါလိမ့်မယ်။ နိုင်ငံတကာ နည်းပညာဂျာနယ်တွေ၊ မြန်မာပြည်က နည်းပညာဂျာနယ်တွေ၊ နောက်တစ်ခု အွန်လိုင်း သတင်း website တွေမှာ ပလူပျံအောင် ပွစွီထပြီး ဝေဖန်သံတွေ ကြားလာရပါလိမ့်မယ်။

အင်တာနက်မှာ တွေ့သမျှ ဘယ်အရာမဆို စဉ်းစားဆင်ခြင်ပါ၊ အထောက်အထားခိုင်လှုံမှု ရှိမရှိကို ဆန်းစစ်လေ့လာပါ။ အင်တာနက်ဆိုတာကြီးက မသုံးတက်ရင် ကြောက်စရာ အရမ်းကောင်းလွန်း လှပါတယ်။ 
အားလုံးပဲ အဆင်ပြေကြပါစေ ........လေးစားစွာဖြင့် .. စဦးသူ

March 6, 2013

Windows 8 တွင် အလွယ်တကူ Shutdown ချလိုလျှင်



ကျွန်တော်တို့ Windows 8 ထွက်လာခဲ့တော့ အခုမှစသုံးတဲ့ user တွေအတွက် တော်တော် တိုင်ပတ်ကြတယ်။ ကွန်ပျူတာ Shutdown ချဖုိ့ ဘယ်ကနေ သွားလို့ သွားရမှန်း မသိ့ပေါ့။ Windows 8 အသုံးပြုသူတွေအတွက် အလွယ်တကူ shutdown ပြုလုပ်နိုင်ရန်အတွက် ဒီနည်းလေးကို သုံးကြည့်လိုက်ပါ။

Step (1) Desktop ပေါ်မှာ Right Click နှိပ် ၊ News >> Shortcut ကိုသွားပါ။

Step (2) Create Shortcut ဆိုတဲ့ Box လေးတစ်ခု ကျလာပါလိမ့်မယ်။


Step (3) Type the location of item ဆိုတဲ့ နေရာမှာ shutdown.exe -s -t 0 ဆိုပြီးရိုက်ပါ။ Next ကို နှိပ်ပါ။

Step (4) Type the name for this shortcut ဆိုတဲ့ နေရာမှာ shutdown ဆိုပြီး နာမည် တစ်ခုပေးပြီး Finish ကို နှိပ်ပါ။ Desktop ပေါ်မှာ shutdown ဆိုပြီး shortcut လေးတစ်ခု ရောက်နေပါလိမ့်မယ်။ computer သုံးပြီးလို့ ပိတ်ချင်တယ်ဆိုရင် အဲဒီ shutdown လေးကို နှိပ်ပြီး အလွယ်တကူ ပိတ်နိုင်ပါပြီ။

ကျွန်တော်ကတော့ အလွယ်တကူ အသုံးပြုနိုင်ရန်အတွက် computer taskbar မှာ ထည့်ထားလိုက်ပါတယ်။ (shutdown shortcut လေးကို right click နှိပ်ပြီး pin to taskbar, pin to start စသည်ဖြင့် မိမိ အဆင်ပြေမဲ့နေရာမှာ ထားပြီး အသုံးပြုနိုင်ပါတယ်။)

အားလုံးပဲ အဆင်ပြေကြပါစေ ... လေးစားစွာဖြင့် .. စဦးသူ

February 11, 2013

Windows 8 တွင် Internet အသုံးပြုရန်အတွက် မြန်မာစာစနစ် Zawgyi-One Fonts အသုံးပြုနည်း



ဒီနေ့တော့ TRA-Myanmar ရဲ့မိတ်ဆွေတွေကို Microsoft Company ရဲ့ နောက်ဆုံးထုတ် Windows ဖြစ်တဲ့ Windows 8 မှာ Zawgyi Fonts အသုံးပြုနည်းကို ဖေါ်ပြပေးလိုက်ပါတယ်။ ကျွန်တော်တို့ Windows XP တို့ Windows 7 တို့မှာ Internet အသုံးပြုတဲ့အခါ မြန်မာလို ဖတ်ရဖို့နဲ့ မြန်မာလို ရေးရဖို့အတွက် Zawgyi Fonts သုံးရတာ အဆင်ပြေပေမဲ့ Windows 8 မှာကျတော့ အခက်အခဲ တချို့ ရှိလာတာကို တွေ့ရပါတယ်။ ဥပမာ - Gtalk Program ကိုသုံးပြီး Chatting ထိုင်တဲ့အခါမှာ တဖက်လူက ပြောတာကို မြင်ရပြီး ကိုယ်က စာပြန်ရိုက်တဲ့အခါ လေးထောင့် တုံးတွေ ပေါ်နေတာမျိုးတွေ ဖြစ်တက်ပါတယ်။ (မှတ်ချက်။ ။ Windows 7 မှာလဲ ဖြစ်တက်ပါတယ်)

Windows 8 ကို Microsoft က အသုံးပြုသူ User တွေအတွက် များစွာသော ပြောင်းလဲမှုတွေ ပြုလုပ်လိုက်တဲ့အတွက် Computer နဲ့ ရင်းနှီးကျွမ်းဝင်ပြီးသားသူတွေအတွက် အရမ်းကြီး ခက်ခဲမှု မရှိပေမဲ့ user အသစ်တွေအတွက်တော့ အခက်အခဲ တချို့ ရှိနေတာကို တွေ့ရပါတယ်။ အဲဒီအတွက် ကျွန်တော် ဒီ Post ကို တင်လိုက်တာပါ။

Windows 8 တွင် Zawgyi Fonts အသုံးပြုနိုင်ဖို့အတွက် ကျွန်တော် တင်ပေးထားတဲ့ Installer ကို အရင်ဆုံး Download ဆွဲဖို့ လိုအပ်ပါတယ်။

ပထမဆုံးအနေနဲ့ အောက်မှာ ကျွန်တော်ပေးထားတဲ့ Zawgyi Fonts ကို Download ချလိုက်ပါ။ 32 Bits နဲ့ 64 Bits နှစ်မျိုးထဲက မိမိ Computer OS ပေါ်မူတည်ပြီး အဆင်ပြေတာကို download ဆွဲလိုက်ပါ။




For Zawgyi Fonts 32 Bits


32 bits Windows ကိုအသုံးပြုထားတဲ့ user များအတွက် အပေါ်က ကျွန်တော်ပေးထားတဲ့ Link ကနေ Download ကိုနှိပ်ပြီး Save File ကို နှိပ်ပါ။

အပေါ်ကပုံအတိုင်း Download လုပ်ပြီးလို့ Mozilla Download Windows ကျလာရင် အဲဒီ File ပေါ်ကို Right Click နှိပ်ပြီး Open Containing Folder ကိုနှိပ်ပါ။ ၄င်း Download file တည်ရှိရာ နေရာကို ရောက်သွားပါမယ်။

အဲဒီကမှ  ZFK-EG-WC.exe ကို Double Click နှိပ်ပါ။ တစ်ချို့ computer တွေမှာ Windows ရဲ့ User Account Control ကြောင့် yes (or) No Box ကျလာတက်ပါတယ်။ Yes လို့ပြောပေးလိုက်ပါ။ ပြီးရင်တော့ Zawgyi Installation Wizard ကျလာပါလိမ့်မယ်။ အရမ်းလွယ်တဲ့အတွက် ပုံနဲ့ မပြတော့ပါဘူး။ next, Cancel , Install အဲဒါတွေပဲ ပါတာပါ။

Install လုပ်ပြီးသွားရင်တော့ Computer ကို Restart ကျသွားပါလိမ့်မယ်။ ပြန်တက်လာတဲ့ အခါ Zawgyi Fonts သုံးလို့ ရသွားပါပြီ။ English နဲ့ Myanmar ကို Keyboard ကနေ Ctrl + Shift Key ကို တွဲနှိပ်ပြီး အပြောင်းအလဲလုပ် အသုံးပြုနိုင်ပါတယ်။




For Zawgyi Fonts 64 Bits

64 Bits User တွေအတွက်ကတော့ အပေါ်က ကျွန်တော်တင်ပေးထားတဲ့ Link ကနေ Download ချလိုက်ပါ။ ပြီးသွားရင် Download ချထားတဲ့ Folder လေးထဲက 32 bits ကိုအရင် Install လုပ်လိုက်ပါ။ ပြီးသွားရင် 64 bits Folder ထဲက Install_me ဆိုတဲ့ exe File လေးကို Install လုပ်ပေးလိုက်ပါ။ အဆင်ပြေသွားပါလိမ့်မယ်။ computer ကို restart ချပေးဖို့ လိုအပ်ခဲ့ရင်လဲ restart ချပေးလိုက်ပါ။ တစ်ချို့ computer တွေကတော့ restart ချစရာ မလိုပါဘူး။

သာမှန်အားဖြင့်တော့ ဒီလောက်ဆိုရင် အိုကေပါပြီ။ ဒါပေမဲ့ တချို့ အဆင်မပြေတဲ့သူတွေအတွက်တော့ အောက်ပါ အဆင့်တွေကို ထပ်လုပ်ပေးဖို့ လိုအပ်ပါတယ်။

Step (1) Control Panel ထဲကို သွားလိုက်ပါ။ Windows 8 မှာ Control Panel ဘယ်မှာနေမှန်း ရှာလို့ မတွေ့ဖြစ်နေသူတွေ အတွက်တော့ အလွယ်ဆုံး နည်းနှစ်ခုကို ပြောပြပေးပါ့မယ်။ အဆင်ပြေမဲ့ နည်းကို သုံးလိုက်ပါ။

ပထမနည်း

Desktop ပေါ်မှာ Right Click နှိပ်ပြီး Personalize ကို နှိပ်လိုက်ပါ။ Windows 7 မှာလိုပါပဲ Desktop background တို့ဘာတို့ ဟိုကလိ ဒီကလိ လုပ်တဲ့ Box တစ်ခု ပွင့်လာပါလိမ့်မယ်။ အဲဒီမှာ ဘယ်ဘက်အပေါ်ထောင့်မှာ Control Panel Home ဆိုတာ ရှိပါတယ်။ အဲဒါကို နှိပ်လိုက်ရင် Control Panel ထဲကို ရောက်သွားပါလိမ့်မယ်။

ဒုတိယနည်း

ဒီနည်းကတော့ ဖြတ်လမ်းနည်းပါ။ Keyboard ကနေ Windows Key နဲ့ R နဲ့တွဲနှိပ်ပြီး Run Box ကိုခေါ်လိုက်ပါ။ အဲဒီကမှ control လို့ ရိုက်ပြီး OK နှိပ်လိုက်ရင် Control Panel ကို ရောက်သွားပါလိမ့်မယ်။

Step (2) Control Panel ထဲကို ရောက်ရင် Language ကို သွားလိုက်ပါ။ ပုံမှာ ၀ိုင်းပြထားတဲ့အတိုင်း အပေါ်ထောင့်က View By ဆိုတာကို သတိပြုပါ။ တခါတလေမှာ View By ဆိုတဲ့ နေရာက Category ဆိုပြီး ဖြစ်နေခဲ့ရင် သိပ်မရင်းနှီးသေးတဲ့သူတွေအတွက် Language ဆိုတာ ဘယ်နားမှာလဲ ဆိုတာမျိုး မျက်စိလှည်သွားနိုင်ပါတယ်။


Step (3) ဒီမှာတော့ Language ထဲက Advance Setting ကို ထပ်ပြီး Click နှိပ်လိုက်ပါ။


Step (4) Override for default input method ဆိုတာရဲ့ အောက်မှာ Use Language List (recommended) ဆိုတာကို နှိပ်ပြီး English (United States) – Zawgyi Myanmar Unicode ဆိုတာကို ရွှေးပေးလိုက်ပါ။ ပြီးရင်တော့ Save ကို နှိပ်လိုက်ပါ။ ဒါဆိုရင်တော့ အဆင်ပြေသွားပါပြီ ။ Windows 8 မှာ zawgyi fonts အသုံးပြုလို့ အဆင်ပြေသွားပြီ ဖြစ်ပါတယ်။

 Gtalk မှာ စာရိုက်လိုက်တဲ့အခါ လေးထောင့်တုံးတွေ ဖြစ်နေတယ်ဆိုရင်

ဖြစ်တော့ ဖြစ်ခဲပါတယ်။ ဒါပေမဲ့ ဖြစ်တက်ပါတယ်။ Zawgyi Fonts တော့ သွင်းထားလိုက်တာပဲ။ ဒါပေမဲ့ Gtalk ပြောတဲ့အခါ လေးထောင့်တုံးတွေ ပေါ်နေတယ်ဆိုရင် အောက်မှာ ကျွန်တော်ပြောတဲ့ အတိုင်း လုပ်ကြည့်လိုက်ပါ။

Step (1) Gtalk ရဲ့ Settings ထဲက Fonts မှာ Zawgyi One ကို ရွှေးထားပေးပါ။

Step (2) Internet Explorer ကို ဖွင့်ပါ။ Internet Option ထဲကို သွားပါ။ Option Box ကျလာခဲ့ရင် General ရဲ့ အောက်မှာ Fonts ဆိုတာကို ရှာပါ။ အဲဒီမှာ Zawgyi One ကို ပြောင်းထားပေးလိုက်ပါ။ ပြီးရင်တော့ OK ပေါ့။

ဒါဆိုရင်တော့ အဆင်ပြေသွားပါပြီ။ Gtalk ကို ဖွင့်ပြီး Chatting ပြန်ထိုင်ကြည့်ပါ။ လေးထောင့်တုံးတွေ ဖြစ်ခြင်းမှ ကင်းဝေးသွားပါလိမ့်မယ်။

အားလုံးပဲ အဆင်ပြေကြပါစေဗျာ .. လေးစားစွာဖြင့် .. စဦးသူ

Twitter Delicious Facebook Digg Stumbleupon Favorites More